سطر واحد يكفي

زجل لمسيح: أنا ماشي لِك ، ماناش غير فيك ـــــــــــــــــــــــــــــــــــــــــــــــــــ مانا لك مانا لغيرك مانا إلا فيك لك نفنى وما نكون لغيرك ” أدمنتك ” وما باغيش نتعافى مانا لك حيت ماناش خارج شَهْـدَك ………. نحيلتي قصيدتي : أنا مَسُّوس بلا بك ………. مايمكن لي نكون شهدة بلا نحلة لسعي وهمي يولِّـي حقيقة سيري فيَّ بالمهل تلقايني جبحك حشمان عسيلة منك تحييني وتفنيني الحياة منك – بك – فيك ……… امحيني بعسلك نكون لك بستان البارح كانت …. واليوم بغيتها نحلة وغدا غتكون ديني باش ندخل للجنة …….. عسل النحلة يسكـَّر و أنا مبلي به أَ نحيلة… عطيني قطيرة من عسلك نموت و نحيا باش نكون رحيقك ف الحياة … النحلة ما تلسعني إلا إيلا ” قـبْلتـني ” وما تهجر شهدي إلا إذا سهيت على رقصتها بين أزهاري ……… إيلا لسعتني نحيلتي كتبت فيَّ قصيدة و إذا سَكـْـنَـتـْـني كنت لها كون بغيت نغرق في عسل نحيلتي وما نطلَّعْـش الراس